Алијансата за Албанците бара бесплатно тестирање за печалбарите

by Fokus

Пандемиската состојба се влошува и очигледно е дека излегува од контрола. Владата докажува неспособност и ги оптоварува животите на граѓаните во секоја област од животот. Печалбарите кои се враќаат во својата татковина за да ги поминат годишните одмори со членовите на семејството, исто така, го доживуваат ова на своја кожа, соопшти Алијансата за Албанците.

– На граница, на некои луѓе не им се прифаќаат тестовите направени во западните земји каде што работат и ги принудуваат да се тестираат во Северна Македонија со надуени цени, до 100 евра, што предизвикува огорченост и разочарување од ненормално однесување на државата, каде што се родени, инвестираат и плаќаат даноци како и сите други граѓани и се главните автори за пополнување на државниот буџет, велат од Алијансата за Албанците.

Тие бараат од државните гранични власти да не бидат селективни на границата и да постапуваат правично кон сите граѓани и да не го влошуваат влезот на граѓаните во татковината.

-Сведоци сме дека повеќето тестови се донации од меѓународната заедница и бараме да бидат ослободени истите граѓани од нивната исплата како на границата така и во здравствените установи во рамките на државата. Исто така, бараме тестовите направени во западните земји да бидат прифатени како валидни и да се дозволи слободно движење на нашите печалбари, кои заслужуваат дури и повеќе, се вели во соопштението.

Поврзани новости