Шеснаесетгодишен албански државјанин се здобил со тешки телесни повреди откако паднал од тераса од висина од над шест метри при работа на објект во Гостивар.

Случајот бил пријавен вчера околу пладне во Полициската станица Гостивар.

Според пријавата, тој паднал додека извршувал работни задачи на објект во изградба на улица „Гоце Делчев“ во Гостивар. По укажана помош во болницата во Гостивар, тој бил пренесен во комплексот клиники „Мајка Тереза“ во Скопје, информира МВР во редовниот дневен Билтен.

Извршен бил увид на местото и се преземаат мерки за расчистување на случајот.

Содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.