Нападот предводен од САД врз наводни сириски објекти за хемиско оружје предизвика прашање околу светот: Што е следно?
По воздушните напади на крајот од минатата недела, измешаните пораки од администрацијата значеа дека не е сосема јасно како Белата куќа ќе реагира на понатамошни напади со хемиско оружје, како и кога и како САД ќе излезат од Сирија, каде што во моментов има околу 2.000 војници, пишува Си-Ен-Ен.
Вашингтон, заедно со Лондон и Париз, ги започна воздушните напади во утринските часови на саботното утро во Сирија, како одговор на нападот на 7 април врз бунтовничкото упориште Дума, во кое загинаа околу 75 лица, вклучувајќи ги и децата, а уште 500 лица имаа потреба од лекување поради симптоми кои се во согласност со напад од хемиското оружје.
Нападите дојдоа кратко откако претседателот Доналд Трамп сигнализираше дека сака да стави крај на учеството на САД во Сирија. Но, кога тој ја објави воената акција за казнување на осомничената употреба на хемиско оружје, Трамп рече дека САД ќе преземаат одржлив одговор за да ја спречат употребата на хемиско оружје.
Американски официјални претставници по нападот истакнаа дека стратегијата на Белата куќа никогаш не се променила.
Според еден од американските официјални претставници на администрацијата, целта била да се спречи сирискиот лидер Башар Ал-Асад да користи хемиско оружје.
“Како што објасни претседателот, ако овој чекор не успее, ќе бидеме подготвени да дејствуваме повторно. Не сакаме да се толкуваме како преземање чекори надвор од контекстот на употребата на хемиско оружје”, велат тој.
Шансите се дека големи дека Сирија може повторно да користи хемиско оружје. Друг официјален претставник на американската администрација забележа дека виделе конзистентен образец на сирискиот режим кој се однесува на употребата на хемиско оружје.
Американскиот амбасадор во ОН, Ники Хејли, во петокот пред Советот за безбедност изјави дека САД оценуваат дека Асад “користел хемиско оружје во сириската војна најмалку 50 пати”.
„Мисијата на САД не се смени – Претседателот беше јасен дека сака американските сили да се вратат дома што е можно побрзо. Ние сме решени целосно да го скршиме ИСИС и да создадеме услови кои ќе го спречат неговото враќање. Освен тоа, очекуваме нашите регионални сојузници и партнери да преземат поголема одговорност воено и финансиски за обезбедување на регионот“, рече портпаролката на Белата куќа, Сара Сандерс.
Францускиот претседател Емануел Макрон го потврди сменетото мислење на Трамп кога им рече на француските медиуми во неделата: „Пред 10 дена, претседателот Трамп изјави дека американската волја е да се ослободи од Сирија. Го убедивме дека е потребно да останеме”.
Макрон реагираше на коментарите што Трамп го направи за Сирија на 3 април, кога рече: „Сакам да излезам. Сакам да ги донесам нашите војници дома. Време е”.
Фото: Израелски Тајмс