Ако нашите соседи се Македонци, тогаш ние што сме?, праша грчкиот митрополит на протестот во Вергина

by fokus 09:20
09:20

Стотици граѓани, меѓу кои и свештени лица и префектот на грчката област централна Македонија, Апостолос Ѕиѕикостас, вчера се собраа на плоштадот во Вергина да протестираат против Договорот од Преспа.

Со грчки знамиња и извици „Македонија е грчка“, „Овој договор е предавство“, „Тргнете ги рацете од Македонија“, „Грција, Грција, Македонија“, „Не отстапуваме“, „Ние не ја распродаваме Македонија“, граѓаните ја испратија нивната порака дека не го прифаќаат договорот.

- Advertisements -
Banner 300x250_

На присутните им се обрати и митрополитот од Верија, Науса и Кабаниа, Пантелејмон кој рече дека Договорот од Преспа е против интересите на грчкиот народ и дека другата страна земал сѐ, а Грција не добила ништо.

-Ако нашите соседи се Македонци, тогаш ние што сме?, се запраша грчкиот митрополит.

Кусо пред закажаниот термин за собирот, организаторите објавија дека протестот, поради лошите временски услови се одложува, но подоцна се премислија и собирот сепак се одржа, јави дописничката на МИА од Атина.

Поврзани новости