Ако е забранета, не значи дека е помала од дозволената љубов – сопственичката на Радио Кавадарци автор на балада

by fokus 10:20
10:20

Ориентал бенд и нивната вокалистка Лидија Паскова ја промовираа новата песна и спот ,,Да знаат” за која музиката и текстот ги напиша Трајанка Митрова, позната во Тиквешијата како сопственичка на една од најпопуларните радио станици во регионот, Радио Кавадарци.

- Advertising -
"

Станува збор за балада во која се пее за забранета љубов, и откако вчера беше промовирана на музичкиот канал Јутјуб, доаѓаат позитивните критики и пофалби на сметка на музичарите, но и на авторката на текстот и музиката, Митрова.

Паскова јавно и се заблагодари за нумерата, за која вели дека ја допрела во душата и како да е напишана за неа, додека пак Митрова порача дека со овој проект и се остварил сонот.

Ориентал бенд се едни од најомилените во Тиквешијата, и речиси и да нема забава каде тие не се задолжени за музичкиот дел. Функционираат околу осум години, а за својот репертоар знаат да кажат дека нема што нема. Од народни песни до рок, а исто така и нивните авторски песни се за сите музички вкусови. Снимаат народни, но и забавни мелодии, и велат дека со задоволство настапуваат на свадби, но и во клубови каде што се бара забавна музика.

Трајанка Митрова пак, во Кавадарци е позната како жената која што 12 години успешно раководи со Радио Кавадарци, медиум кој што со нејзината посветеност и љубов успеа да ја преживее транзицијата и над шест децении е во етерот.
Зад себе има голем број на награди и признанија за најслушано радио, четири години води според анкетите на Агенцијата за аудио и аудиовизуелни медиумски услуги во земјава, а има освоено и музички признанија во соседна Србија.

Ова е прва соработка на Митрова и бендот, а според реакциите на слушателите, најверојатно и во иднина ќе можат да очекуваат нивни заеднички проект. Аранжманот за музиката на ,,Да знаат” е на Никола Дафов, а за спотот бил задолжен режисерот Ненад Витанов и Арт Студио.

Вики Клинчарова

Поврзани новости