АХВ: Во Македонија нема пратка од пилешкото на Перутнина кое Хрватска го повлече

by fokus 16:07
16:07

Во Република Македонија не се увезени преработки од месо од производителот Перутнина од Птуј, со датум на производство и лот за кој хрватското Министерство за земјоделство вчера вечер наредило повлекување од пазарот во Република Хрватска  поради утврдено присуство на бактеријата салмонела.

Како што соопшти Агенцијата за храна и ветеринарство (АХВ), врз основа на направената контрола од страна на дежурните инспекциски тимови е утврдено дека преку Системот за брзо известување за храна и храна за животни на Европската унија (RASSF), не е добиена нотификација дека небезбедна пратка од овој тип е пласирана на македонскиот пазар.

- Advertisements -

Агенцијата информира дека преку RASSF системот, нема нотификација ниту дека на пазарот во Република Македонија се пласирани производите на земјоделското стопанство Ореховец од Хрватска, чии производи се исто така повлечени од хрватскиот пазар, поради утврдено присуство на салмонела.

Поврзани новости