Ахмети: Нема да се помести датумот за избори, нема време за промена на изборниот модел

by Фокус

Лидерот на ДУИ, Али Ахмети, порача дека најверојатно нема да има поместување на веќе договорениот датум за предвремени парламентарни избори 12 април.

– Не сметам дека ќе има поместување на датумот за организирање на предвремените избори на 12 април. Овој датум е консензуално донесен од страна на сите политички партии. Сите веќе ги имаме отпочнато подготовките за одржување на избори на 12 април – изјави Ахмети.

Тој додаде дека неговата партија останува на ставот дека изборниот модел не треба да се менува само неколку месеци пред изборите.

– Времето не дозволува да влеземе во вакви измени на Изборниот законик, бидејќи имаме многу големи разлики како политички партии што ќе ја комплицира ситуацијата, а тоа не би било во полза ниту за партиите, ниту за државата – порача лидерот на ДУИ.

Поврзани новости