Ахмети: Имавме доста конструктивна средба со Мицкоски

by fokus

Ова не беше средба за договарање, ова беше средба за честитање, рече лидерот на ДУИ, Али Ахмети, по средбата со претседателот на ВМРО-ДПМНЕ, Христијан Мицкоски. Како што рече Ахмети, тој и Мицкоски се договориле дека треба да продолжи комуникацијата меѓу нив, за како власт и опозиција, рече, да изградат заеднички позиции за напредок на Македонија.

Според Ахмети ВМРО-ДПМНЕ е заинтересирана за поддршка на реформските закони и сака да даде придонес за да бидат што е можно поуспешни.

-Имавме доста конструктивна средба, му честитав на избраниот претседател на ВМРО-ДПМНЕ. Разговаравме околу многу прашања кои ја засегаат Македонија, но и пошироко за регионот. Разменивме мислења на коснтруктивен начин во врска со евроатланските процеси и неопходните реформи. Разговаравме и околу политичката ситуација, интересот на двете наши партии е нашата државата да биде што е можно постабилна, да имаме напредок во правец на имплементирање на реформите, во интерес на мнозинството но и опозицијата. Да креираме позитивна клима за странски инвестиции но и доверба кај граѓаните дека може да се живее во оваа земја – рече првиот човек на ДУИ.

Меѓу темите за кои се разговарало се и градење довербата меѓу двете најголеми етнички заедници во Македонија како соработка меѓу партиите од мнозинството и опозицијата. По однос на прашањето за Законот за јазици, Ахмети рече дека двете партии имаат свои позиции.

Поврзани новости