Ахмети: Албанците не сакаат нова криза во Македонија

Иако ставот дека Косоварите го сториле делото кај Гошинце не е на Македонија, туку на поединец, сепак, двете влади треба да разменуваат информации во врска со овој инцидент, рекол лидерот на ДУИ, Али Ахмети, на средбата со косовскиот заменик-премиер Хашим Тачи.

„Соработката со Косово е во интерес на двете земји. Ние сме во комуникација со Албанците на тие зони околу границата со Косово, таму никој не сака насилство. Албанците во Македонија не сакаат нова криза“, рекол Ахмети пред Тачи, соопштија од ДУИ.