Агатангел: Груевски со Договорот од Пржино е виновен за сите срамотии и страдања на македонскиот народ

Владиката Агатангел синоќа беше гостин во „Отворено“ на ТВ Алфа, каде се дебатираше за последните политички случувања во Македонија.

Според него, избеганиот екс-премиер, Никола Груевски има вина во страдањата на македонскиот народ.

„Мислам дека со Договорот од Пржино почнаа сите трауми, сите страдања, страмотилаци и понижувања на македонскиот народ. Тука најголема вина има екс-премиерот, Никола Груевски, затоа што според мене,тој не требаше да го потпише тој Пржински договор. Потоа дојде и Договорот со Бугарија“, истакна Агатангел.