АДСДП: Димензијата на голот беше во рамките на УЕФА правилата, но беше корегиран по забелешката на Мурињо

by fokus

Пред самиот меч на Шкендија и Тотенхем, тренерот на  Жозе Мурињо, реагираше дека едниот гол во Нацоналната арена е понизок за 5 сантиметри, а веста се рашири низ светските медиуми.

Од АД за изградба и стопанисување пак реагираат и ги отфрлаат како неосновани тврдењата  дека е направен пропуст во димензиите на рамката на еден од головите на Националната Арена  „Тодор Проески’’.

-Пред почетокот на овој натпревар, исто како и пред сите меѓународни натпревари делегат на УЕФА и судиите извршија проверка на целокупниот терен. По  детално извршената  проверка,  од нивна страна беше потврдено  дека  се задоволени  условите за одржување на  натпреварот. Димензиите на рамките на головите беа во рамки на УЕФА правилата, односно  делегатот на УЕФА и судиите констатираа дека се во рамки на дозволеното отстапување. По реакцијата на тренерот на Тотенхем, во интерес на натпреварот, висината на двата гола веднаш беше минимално корегирана.

На официјалната интернет страница на екипата на Тотенхем не само што немаше какви било забелешки за условите за игра, туку сите  објави  беа во насока на пофалби за одличната организација на натпреварот и условите за игра .

Во изминатите 20 дена на Националната Арена „Тодор Проески’’ беа одиграни 5   меѓународни натпревари и сите ги поминаа  ригорозните инспекциски контроли на УЕФА.

АДСДП смета дека ваквите написи, без дополнителна проверка на фактите се единствено на штета на спортот  и спортските работници во државата, како и на максималните напори  кои ги вложува раководството на АДСДП во одржувањето  на Националната Арена „Тодор Проески’’ според сите светски стандарди, се наведува во соопштението.

Поврзани новости