Министерот за образование Арбер Адеми вели дека во однос за петицијата што ја покренаа група средношколци за одложување на државната матура, состојбата сè уште се анализира и сите опции се отворени.
Се разгледува и опцијата за одложување, но и за укинување на државната матура.
„Ја следиме ситуацијата и сите опции се на маса. Во повеќе наврати дискутиравме и на седница на Влада, но и во главниот координативен кризен штаб. Нема простор за загрижување бидејќи секоја наша одлука ќе биде во интерес на учениците и никој нема да биде оштетен, но сепак треба да се направат и дополнителни анализи со сите предизвици со кои се соочува и прашањето на државната матура. Сите опции се на маса, и опцијата за пролонгирање на државната матура, но и опцијата за укинување на државната матура. Така што, водени по најдобриот интерес на нашите средношколци, ќе одлучиме“- истакна Адеми.
