700 делегати ќе избираат лидер и членови на Централниот одбор на СДСМ

Во секој момент се очекува да почне 22 конгрес на СДСМ во скопскиот хотел „Александар Палас“ на кој 700 делегати  ќе избираат нов лидер на партијата и нови членови на Централниот одбор.

Зоран Заев, актуелниот претседател на СДСМ и мандатар за состав на новата Влада е единствениот кандидат.

За Централниот одбор, пак, може да конкурираат и да бидат избрани и сегашните членови или лица кои ќе бидат дел од идната Влада, освен Генералниот секретар на партијата кој, според Статутот на партијата не може да извршува две функции, партиска и државна.