553 новозаразени во Албанија, Рама најави дека ќе добијат вакцини и од Бугарија

by fokus 18:46
18:46

Во Албанија во изминатото деноноќие опасниот вирус е кај 553 лица е дијагностициран корона вирусот, оздравени се 524, а починале девет пациенти.

– Во изминатите 24 часа, од 2.184 тестирани сомнителни случаи, корона вирусот е потврден кај 553 лица што е над 25 отсто од тестираните. И понатаму главно жариште на болеста е Тирана, каде се 230 од новозаразените. Истовремено, борбата со опасниот вирус ја загубија девет пациенти на возраст од 54 до 81-годишна возраст. Во списокот на оздравени се впишани 524 лица, соопшти Министерството за здравство и социјална заштита.

- Advertisements -

Моментно во четирите ковид болници се хоспитализирани 309 паценти, од нив 22 на интензивна терапија, а деветмина се интубирани.

Од почетокот на март кога беа регистрирани првите случаи на Ковид-19 во Албанија, направени се 249.635 тестови, позитивни на вирусот биле 55.380, оздравеле 30.790, починале 1.134, додека активни на болеста се 23.456 лица.

Во меѓувреме, премиерот Еди Рама најави дека имунизацијата против Ковид-19 ќе почне на почетокот на следниот месец, прво кај здравствените работници, по што ќе продолжи на просветните работници и полициските службеници.

Рама додаде дека освен за Северна Македонија, Бугарија од контингентот вакции ќе оддели и за Албанија, но оти во преговори се со неколку компании за набавка на вакцини.

Поврзани новости