Пред околу еден час се случил вооружен инцидент во селото Љубош, при што двајца мажи биле повредени со пиштол. Повредените биле пренесени во Градската болница „Св.Наум Охридски“.
-Денеска во 13.04 часот во СВР Скопје било пријавено дека пред деловен објект во с.Љубош бил нарушен јавниот ред и мир помеѓу К.Н. и К.Х., од една страна и Н.Р. и М.Р., од друга, при што било употребено и огнено оружје. Притоа со повреди се здобиле К.Н. и М.Р., кои биле пренесени во Градската општа болница „Св.Наум Охридски“ за укажување на лекарска помош, појаснуваат од МВР за „Фокус“
Оттаму додаваат дека четирите лица се обезбедени, како и нивните возила и оружјето, а по целосно расчистување и документирање на случајот ќе биде поднесен соодветен поднесок.
Во моментот пред Градската болница има и полициски службеници, кои го обезбедуваат местото и донесените повредени учесници во престрелката.