ЗНМ: Новинари од 27 април по втор пат жртви, овој пат од судот

by fokus 15:16
15:16

Здружението на новинари на Македонија – ЗНМ, соопшти дека ја оценува како срамотна пресудата за настаните од 27 април 2017 г. во Собранието, на штета на новинарите и на слободата на изразување во нашата земја и најави дека за пресудата ќе ги извести сите релевантни меѓународни организации.

Од Здружението потсетуваат дека оваа недела Основниот граѓански суд во Скопје донесе пресуди со кои се одбиваат тужбените барање на новинарката Наташа Стојановска и Душица Мрѓа, кои бараа повреда на нивните права и штета од државата за настаните од 27 април 2017 година во Собранието на Република Северна Македонија.

- Advertisements -

-Оваа пресуда е пропуштена можност да се заштитат правата на новинарите и преставува уште еден доказ дека постојат двојни стандарди за судот кога се во прашање политичари и новинари. Потсетуваме дека во случајот со групата политичари Основното јавно обвинителство по службена должност покрена постапки и кривичниот суд осуди со затворски казни група на граѓани, а во случајот на новинарите самите беа оставени да покренуваат приватни тужби, се подвлекува во соопштението.

Воедно, се додава дека образложението на судот во пресудите е дека новинарките не доставиле докази од кои што може да се утврди дека на 27 април 2017 година се случиле јавни демонстрации пред Собранието, иако во тужбата уредно се доставени видео записи од случувањата пред Собранието, а критичниот ден стотици објави беа и се присутни на медиумите.

-Фактот што судот не признава повреда на правото на слободата на изразување и бара од новинарите да докажат општо познати факти, дека имало упад во Собранието од страна на лица кои јавно демонстрирале на 27 април 2017 година е тенденциозен и преставува преседан во контекст на овој случај. Исто така, небулозно е тврдењето на судот дека новинарите немале право да бараат надомест на нематеријална штета за претрпени душевни болки и наведува дека двете немале телесни повреди. Скандалозен е фактот што судот не признава дека душевната болка, страв и траума кој биле доживеани од страна на присутните новинари е проблематично и притоа се имплицира дека немале телесни повреди тужителите, наведуваат од ЗНМ.

Потсетуваме дека судската власт има обврска да ги штити правата на новинарите бидејќи со тоа го штити и правото на граѓаните да бидат информирани, стои во соопштението.

Поврзани новости