141 компанија доби 11,5 милиони евра државна помош

by fokus 14:38
14:38

Преку Законот за финансиска поддршка на инвестиции, со 11,5 милиони евра поддржани се 141 компанија, кои вработуваат околу 18.000 лица. Од Владата во соопштение наведуваат дека контирунирано докажувааат оти се посветени на партнерски однос и поддршка на домашната економија и во време на светска економска криза предизвикана од Ковид 19.

Од Кабинетот на вицепремиерот задолжен за економски прашања, координација со економски сектори и инвестиции, Фатмир Битиќи, наведуваат дека претходно на заедничка прес – конференција, тој и министерот за економија, Крешик Бектеши, информираа дека оваа година беа потпишани нови 38 договори и 10 анекси на постоечки договори со компании за државна помош, според Законот за финансиска поддршка на инвестиции, со вкупен инвестициски циклус од 53,4 милиони евра.

- Advertisements -

-Кумулативно, од 2018 година до денес, по овој Закон се потпишани 245 договори со компании. Од нив до 15 ноември 2020, до кога е и законскиот рок за аплицирање за исплата на државна помош за инвестициски циклуси направени во 2019, беа пристигнати 151 барање. Од нив, 141 компанија кои вработуваат околу 18.000 лица, ги исполнија условите согласно Законот и за истите беше исплатена финансиска поддршка од околу 11,5 милиони евра или 706.666.491 милиони денари, стои во соопштението.

Оценуваат дека од исклучителна важност за компаниите и стопанството е фактот што и во време на криза државата обезбеди доволно средства во буџетот за 100 отсто исплата на побарувањата на компаниите за државна помош.

Ова, наведуваат, го потврдува партнерскиот однос и грижата на Владата на РСМ како и влогот во развојот и зголемувањето на конкурентноста на домашните компании како и зголемување на стандардот на живеење на граѓаните.

Законот за финансиска поддршка на инвестициите, како што истакнуваат од Кабинетот на Битиќи, дава подеднаква можност за сите компании во земјата, независно од нивната големина или местоположба, како и дали се домашни или странски компании.

Поврзани новости