Заев: Лично јас ќе ги заштитам дечињата на пратениците

by fokus

Премиерот, Зоран Заев, ги осуди протестите кои се одвиваат веќе неколку денови пред домовите на пратениците од СДСМ, по изгласување на Законот за употреба на јазиците.

-Ова што се случува последниве денови побудува внатрешна реакција кај мене која должен сум ја да споделам со јавноста. Протестот е уставно право и тоа право треба да се ползува. Но тоа што се прави пред домовите, пред дечињата на пратениците, пред членовите на нивните  семејства и нивните родители апсолутно е недозволиво затоа што е кршење на приватноста на домот, директни закани се упатуваат, омаловажување и целосно сеење страв и трепет кај дечињата. Ние нема да дозволиме тоа да продолжи, МВР презема дејствија, овде има неколку кривични дела. Сакам да знаат сите дека дечињата на пратениците лично јас и се што постои околу мене ќе ги заштитам – рече Заев по денешното рочиште за предметот „Поткуп“.

Поврзани новости