Секој работен ден пред почетокот на часовите во прва смена во основните училишта во општина Аеродором ќе се интонира националната химна. Оваа одлука е усвоена од Советот на Општина Аеродром во април годинава, а ќе почне да се применува со почетокот на учебната година.
Минатата година химната се интонираше само во понеделник, а иницијативата таа да се интонира секој ден е на градоначалникот Ивица Коневски. Од локалната самоуправа објаснија дека практика која е воведена минатата година наишла на воодушевување кај мнозинство од родителите на децата и, како што додаваат, за нив тоа е мотив повеќе дека донеле правилна одлука.
Минатата учебна година секој понеделник пред почетокот на часовите, учениците се постројуваа во дворот на училиштата и свечено се инторнираше химната на Македонија.