Ванхојте се сретна со сите партии поединечно

Посредникот во преговорите за спроведување на договорот од Пржино, Питер Ванхојте, денеска оствари поединечни средби со четирите најголеми партии. Средба прво се одржа со ДПА, потоа со ДУИ и СДСМ и на крај со ВМРО-ДПМНЕ, но никој не дава информации за разговорите.

По одделните средби, за доцна вечерва е закажана заедничка средба со претставници од четирите партии. Ванхојте на партиите им презентирал нацрт верзија за измените на изборниот законик, а сега тие треба да се произнесат и да ги кажат своите забелешки.