Вајгл и ЕП спремаат средба меѓу власта и опозицијата во Париз

Неофицијално, партиски извори за САКАМДАКАЖАМ.МК велат дека Европскиот парламент (ЕП) сака во Париз да организираа неформална средба на опозицијата и власта, за подобрување на меѓусебната доверба како и за наоѓање на заеднички ставови за прашања битни за влезот во Европската унија.

Европратеникот Вајгл после средбата со Џафери, се сретна со опозициските партии ВМРО-ДПМНЕ, Движењето Беса и ДПА. Неофицијално, извори од ВМРО-ДПМНЕ за САКАМДАКАЖАМ.МК велат дека за предлогот на Вајгл за неформална средба, партијата прифаќа само да се разговара за подобрување на соработката меѓу парламентарните групи и за прашања за деблокирање на работата на Собранието.

 

„Средби се неопходни, но инсистираме јавноста да знае дека тие средби нема да станат Пржино 3, или пак да се разговара за проблемот со името“, велат од ВМРО-ДПМНЕ.

Од партијата бараат од Вајгл месец дена за да се прецизираат темите за кои ќе се разговара. Известителот за Македонија во ЕП Вајгл, пред средбите со опозицијата кратко изјави дека во Македонија е дојден за проектот „Жан Моне“.