327
Во пожар што избувнал денеска попладне целосно изгорело ОУ „11 Октомври“ во тетовско Ново Село 2, информираше портпаролот на СВР Тетово, Марјан Јосифовски.
Во пожарот нема повредени. Опожарено е и едно возило што било паркирано во блзина на училиштето.
Како што информираше Јосифовски, директорот на училиштето околу 13:45 часот во полициската станица Камењане пријавил дека гори покривната конструкција од училиштето што било потврдено од полициска екипа која веднаш била испратена на местото на настанот.