Тројцата лидери кај Иванов вчера разговарале за евроинтеграциските процеси, вели Џафери

by fokus

На сииноќешната средба во кабинетот на претседателот, Ѓорѓе Иванов, на која присуствувале лидерите на трите најголеми политички партии и претседателот на собранието, се разговарало за евроинтеграциските процеси. Собранискиот спикер, Талат Џафери, изјави денеска дека тема на разговорите било како да се продолжи со интеграцијата на Македонија во ЕУ и НАТО.

Како што рече тој на неформална средба со новинарите, се уште никој од присутните не изнел предлог за излез од оваа ситуација. Разговорите траеле помалку од три часа, а следната средба, како што кажа, можеби ќе ја свика тој, а можеби повторно претседателот Иванов. Разговорите, додаде Џафери, ќе продолжат во ист состав.

Џафери на 4 декември заминува во САД на безбедносна конференција и таму ќе биде до 10 декември.

Поврзани новости