Тарчуловски се уште не знае дали ќе биде кандидат за градоначалник на Кисела Вода

И покрај сите пишувања дека Јохан Тарчуловски ќе биде кандидатот на ВМРО-ДПМНЕ за градоначалник на Кисела Вода, тој се уште не знае дали ќе биде кандидиран.

„Фокус“ го контактираше Тарчуловски кој рече дека тој не поднел кандидатура на партискиот повик за кандидати за градоначалници и дека досега партијата не му понудила да го кандидира.

Сепак, тој вели дека доколку официјално добие таква понуда од партијата, добро ќе размисли.