Општина Струмица ја прифати иницијативата на група граѓани, да се изгради споменик на претскажувачката баба Ванѓа, јави СДК.мк.
Иницијативата ја доставил Никола Пандев од ВМРО-ДПМНЕ, кој побарал општината да излезе во пресрет на граѓаните кои сакале празник „Св. Петка” да се отпочне процедурата за спомен обележје бидејќи овој празник бил заштитник и на баба Ванѓа.
Советниците на СДСМ бараа одложување на иницијативата дури не се прецизира локацијата и формата на спомен обележјето, но и со чии средства да се гради споменикот, дали со општински пари или преку донација.
На крајот, советниците сепак ја прифатија инцијативата и ја задолжија Комисијата за општествени дејности да ја разгледа истата и да предложи дополнување на Програмата за одбележување на значајни настани и личности со спомен обележја во Општина Струмица.
Инаку, Баба Ванѓа е родена во Струмица во 1911 како Вангелија Пандева Димитрова, а со години живееше во Петрич, Бугарија.