Претседателот на СДСМ, Зоран Заев, денеска се сретна со амбасадорот на Кралството Шведска во Република Македонија, Матс Стафансон.

Од СДСМ велат дека заеднички е констатирано дека новата Влада во Македонија мора да биде посветена на потребните реформски процеси, нотирани во извештаите на Прибе и на Европската комисија.

-Се гордееме со резултатот, со пенкало и глас поразивме режим. Над 612.000 граѓани во Македонија се изјаснија за промени. Граѓаните, независно на која едничка заедница припаѓаат очекуваат подобрување на квалитетот на живот и примена на европските вредности во Македонија. На тоа се обврзавме во Планот за живот во Македонија и тоа ќе го спроведеме, рече Заев.

На средбата се разговараше за текот на политичките процеси во земјава, по реализираните предвремени парламетарни избори.

Содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.