485
Двајца граѓани на Прилеп пријавиле нудење на поткуп во име на ВМРО-ДПМНЕ за глас на изборите, информираше денеска во Битола министерот за внатрешни работи Оливер Спасовски.
-Поднесена е кривична пријава, известен е јавниот обвинител и се преземаат мерки за расчистување на случајот. Ваквите работи се недозволиви и доколку се случуваат ќе има енергична реакција на МВР – рече Спасовски.
Тој апелира до граѓаните доколку забележат ваков или било каков случај на злоупотреба од било кој политички субјект веднаш да го пријават во полициската станица.