СДСМ: Македонија има шанса да се придружи на демократскиот свет

by fokus

Македонија ја има шансата да се придружи на демократскиот свет. Граѓаните на Македонија се пред шансата да го живеат својот живот, по своја сопствена волја, без директиви, уцени, притосоци, спокојно и среќно, се вели во соопштение на СДСМ.

„Празниците како овој голем христијански празник, Христовото Воскресение – Велигден, се поттик да се потсетиме на нашите должности како граѓани. Тоа значи грижа за себе, но и почит, грижа и разбирање и за луѓето со кои го споделуваме животот. И одлучност за развој на државата во којашто живееме, во општество каде секој може да биде среќен“, се наведува во соопштението на СДСМ.

Оваа партијата понатаму во соопштението вели дека ниедна голема промена не е лесна.  И не се случува наеднаш. Заедно ги почнавме промените што водат до квалитетен живот за сите, правда, слобода, еднаквост и заедно треба да ги овозможиме. Oдлучивме да живееме заедно. Избравме живот за сите. Тоа значи дека сме свесни за тоа што ни е потребно. Но тоа значи и обврска заедно да ги понесеме промените. Промени ќе има. Тие го носат животот што го посакуваме“, се наведува во соопштението на СДСМ.

Поврзани новости