СДСМ: Артан Груби има потенцијал за наследник на Илија Димовски

Денешниот настап на Артан Груби од ДУИ во парламентот, во кој му порача на СДСМ дека нивната стратегија за преземање на власта по индиректен пат преку ДУИ е погрешна, испровоцира реакција од социјалдемократите.

– Навистина е штета за Груби што заврши конкурсот за директор на Центарот за Комуникации на ВМРО-ДПМНЕ. Согласно ставовите и размислувањата што ги презентира Груби во јавноста, тој би бил одличен потенцијал за оваа позиција во ВМРО-ДПМНЕ – му одговорија од најголемата опозициска партија.

Претходно, пратеникот на „интегративците“ и порача на опозицијата дека на власта се доаѓа со конкурентска битка, квалитетна понуда и искрен однос со граѓаните, а не преку Али Ахмети.