Ристески пред опожарената викендица: Пожарот е подметнат и политички мотивиран

by fokus

Советникот на ВМРО-ДПМНЕ во Општина Ристерски, денеска од пред својата опожарена викендица во прилепско рече дека се сомнева дека зад пожарот стојат политички мотиви. Како што рече тој, пожарот во полиција бил пријавен вчера во 22.30 часот, а тој бил известен од страна на полицијата дека се работи за објект во негова сопственост.

-Не можем ниту да се сомневам во некого ниту да посочам со прст. Единствено ми паѓа на памет дека ова е политички сторено дело. Очигледно некому му пречи мојата активност, дека ангажманот на Петар Ристески на некого му смета. Се сомневам дека пожарот е подметнат бидејќи во објектот нема никакво електричне приклучок, нема електрични апарати или плински уреди. МВР нека си ја врши својата работа и се надевам дека наскоро ќе ги пронајде не само сторителите на овој гнасен чин туку и нарачателите – изјави Ристевски.

Тој додаде дека не е ова прв пат да се посегне по неговата безбедност и безбедноста на неговото семејство.

-Во неколку наврати членови на СДСМ направија штета на мојата семејна куќа, на денот на изброите кога се славаше победата на СДСМ. Очигледно е дека оваа хунта која владее во моментов во Македонија не признава ништо за свето и посегнува по семејните вредности на оние кои не размислуваат како нив – додаде тој.

Тој испрати апел на помирување, затоа што, рече, политиката е натпревар на идеи.

Поврзани новости