Aмериканските разузнавачки служби тврдат дека Русија спремила досие со компромитирачки информации за приватниот живот на американскиот претседател Доналд Трамп, пишуваат светските медиуми.
Шефовите на разузнавачките агенции му презентирале на новиот претседател, руски разузнавачки материјали , кои се уште не се целосно докажани, а содржат податоци за компромитирање со валкани лични информации за Трамп.
Во белешките има податоци за тоа како рускиот претседател Владимир Путин преку владините институции настојувал да обезбеди компромитирачки материјали за Трамп, кој често патувал во Русија заради бизнис потреби.
Во извештајот се наведува дека Трамп бил фатен во „сексуални перверзии“ за време на неговиот престој во Москва и Санкт Петерсбург и тоа во друштво на личности кои му ги подметнала и го следела ФСБ.
Овие информации ги демантираа од Кремљ и велат дека се целосна невистина и обид за нарушување на билатералните односи.