598
Македонската амбасадорка во Хрватска, Даниела Караѓозоска е отповикана од функцијата вонреден и ополномоштен амбасадор на Македонија во оваа земја. Таа беше назначена за амбасадорка без ниту еден ден диплломатско искуство. Пред да стане амбасадорка била сопственичка на дом за стари лица и претседателка на Унија на жени на ВМРО-ДПМНЕ.
Во јавноста стана позната откако со кофа и сунѓер го миеше дипломатскиот автомобил пред резиденцијата во Загреб, а кога поранешната министерка Гордана Јанкулоска си поднесе оставка, на својот фејсбук профил Караѓозоска напиша дека жали.
За „Шарената револуција“ таа коментираше дека граѓаните кои протестираат биле инспирирани од „странски фактори“.