Нови лекови за стари болки

by Фокус

1. Овој лек им се препорачува на оние следбеници на владејачката партија кои што сакаат да ја сокријат својата сопствена хомосексуалност, со тоа што ќе бидат најгласните и најжестоките хомофоби во нивната средина. За полесно глумење на хомофобијата, да се зема „Хомофобин“ по потреба, а и без потреба:

 

2. Иако произведен во лабораториите на претходната владејачка партија, овој генерички лек ВМРО-ДПМНЕ го презеде и го претвори во дегенерички препарат кој што им се препорачува на сите кои сакаат да бидат провладини експерти, дури и кога се претставуваат како независни аналитичари. Не содржи срам, перде, достоинство, здрав разум и други штетни состојки, кои би го спречиле глумењето на лудило. Секое пакување содржи таблети во сите потребни партиски бои.

 

3. Крема одамна позната на нашиве простори, од сега достапна и во џебно пакување. Секој полтрон кој што сака да напредува глатко и мазно на патот кон врвот на неговата партија, мора задолжително да ја набави.

 

4. Препаратот „Спиноверглан“ со екстракт од јаден бурек е додаток во исхраната кој им се препорачува на сите оние што не можат да ја сварат грдата реалност и кои потезите на партијата за која гласале ги тераат редовно и сѐ почесто на повраќање.

 

5. Лекот „Пропагандин“, кој во Македонија се произведува уште од 2006-та година, е препарат што ВМРО-ДПМНЕ го произведува по лиценца на германската фармацевтска куќа „Доктор Гебелс“. Лекот е со 24 часовно дејство седум дена во неделата. Иако е доста скап, докажано е ефикасен, и помага при смирување на народот и замолчување на секаква критичка мисла. Се препорачува да се користи нон-стоп.

6. Кога народот е гладен, кога нема пари, кога цените раснат, кога реформите ќе заглават – „Уапсин“ е тука за да се одвлече вниманието на јавноста од реалните проблеми. Се препорачува да се користи спектакуларно и пред тв-камери, за посилен ефект.

Поврзани новости