Нов обид на ДИК за договор околу бројот на фантомски гласачи

Државната изборна комисија на седница што почна во 18 часот повторно ќе се обиде да го усвои извештајот од вкрстената проверка, односно да утврди колку гласачи кои ги има во Избирачкиот список треба да бидат теренски проверени.

Усвојувањето на експертскиот извештај од вкрстената проверка, готов уште во тек на седмицава, беше одложувано поради несогласување меѓу членовите на ДИК за бројот на гласачите кои треба да бидат проверени теренски.

Во јавноста, а врз база на извештајот што протече се зборува за бројка на спорни гласачи од околу 500 илјади.