Нов многу слаб земјотрес во Скопје

Во 11 часот и 20 минути се случи нов земјотрес во Скопје, но поради слабата јачина, граѓаните не го почувствуваа.

Според информациите, земјотресот бил со исклучително слаба магнитуда од околу 1 степен според Рихтер.

И измината ноќ се тресеше тлото во Скопје со нешто посилна магнитуда што повторно ги вознемири скопјани. Во 01 часот и 32 минути беше регистриран земјотрес во источниот дел на скопското епицентрално подрачје со Рихтерова локална магнитуда од 3.2 степени.