МВР: Избирачкиот список не е прочистен, прекршени се законите и Договорот од Пржино!

by Фокус

Министерството за внатрешни работи денеска ја информираше јавноста дека до Државнaта изборна комисија вчера, спротивно на одредбите од законот и Пржинскиот договор е доставен допис, потпишан од дополнителниот заменик министер,Чавков , со кој се доставува Избирачки список за потребите на ДИК.

-Со тоа грубо и дирекно се прекршува член 46 став 3 од Законот за измена на Законот за Влада со кој се утврдува дека документите имаат правно дејство само доколку се потпишани од министерот и дополнителниот заменик министер. Особено што Избирачкиот список неспорно е „документ кој го донесува министерот, а се однесуваат на правните, финансиските и кадровските прашања поврзани со организацијата на изборите. Со ова не само што се прекршуваат законските одредби и Пржинскиот договор, туку и се доведува во заблуда целата македонска јавност, дека Избирачкиот список е прочистен, стои во соопштнието од МВР.

За таа цел Министерството за внатрешни работи на Република Македонија ја информира јавноста дека проверките на Избирачкиот список се уште не се завршени и дека неспорно е дека за доставување на веродостоен и валиден, прочистен Избирачки список е потребно дополнително време.

-Непотребното инсистирање да се достави избирачки список до Државната изборна комисија, со некомплетни податоци, неизвршени проверки и неспроведени управни постапки, е на штета на спроведување на фер и демократски избори со кредибилен и прочистен избирачки список. Во врска со повторното поништување на правилниците и 448 решенија потпишани од министерот Оливер Спасовски, на полноќнешната седница на Владата на РМ пред распишувањето на изборите, Министерството ја известува јавноста дека Одлуките на Владата ги смета за целосно спротивни на законот, велат од МВР.

Без оглед што донесените правилници и решенија се однесуваат на кадровски прашања, истите не се поврзани со организацијата на изборите и во контекст на ова министерот Оливер Спасовски ги повика сите вработени исклучиво да ги почитуваат законските одредби за хиерархиската поставеност и одговорност, која е нужна за непречено функционирање и остварување на надлежностите на Министерството за внатрешни работи.

Поврзани новости