МНР со реакција до Србија за БЈРМ: Ова е провокација, срамно е да се навредуваме како соседи

by fokus

Министерството за надворешни работи на Република Македонија по дипломатски пат побара итна корекција на именувањето на Република Македонија од страна на државните органи во Република Србија.

„Реакцијата следи по појавата на именување на Република Македонија со референцата и кратенката од референцата на патарините во Република Србија. Користењето на референцата и кратенката од референцата наместо уставното име на Република Македонија e во спротивност со воспоставените дипломатски односи меѓу Република Македонија и Република Србија. Oваа недоследност треба веднаш да биде корегирана. Веруваме дека ваквата провокација која ги навредува чувствата на македонските граѓани не е одраз на добрососедство. Несоодветно и срамно е да се именуваме на навредлив начин помеѓу соседи“, се вели во соопштението на  МНР.

Поврзани новости