Машиновозачите ја бараат октомвриската плата, железничкиот сообраќај во прекин

Вработените во Македонски железници АД Транспорт одбиваат да ги извршуваат работните задачи се додека не им биде исплатен вториот дел од октомвриската плата. Од ноќеска на полноќ не сообраќаат патничките возови, по блокадата на товарниот железнички транспорт што почна вчера наутро.

Машиновозачите велат дека утринава е тргнат само возот од Скопје за Гевгелија. Најавуваат дека протестот со блокада на сообраќајот ќе трае до исполнување на нивното барање.