Груевски на телефон додека Жерновски сведочеше, Фатиме изреагира

Обвинетиот поранешен премиер, Никола Груевски, вниманието му го посвети на својот телефон додека траеше сведочењето на поранешниот градоначалник на Центар, Андреј Жерновски, на денешното судско рочиште во Кривичниот суд. На тоа реагираше обвинителката Фатиме Фетаи, која и посочи на судијката дека Груевски не го следи судењето.

Фетаи побара од судијката да ги предупреди присутните во судницата да ги тргнат настрана телефоните. Судијката порача дека ќе нареди мобилните телефони да се соберат доколку не бидат исклучени.