(ФОТО) Протестите во Белград стануваат се помасовни

Четврти ден по ред се случуваат протести во Србија под насловот „Протест против диктатурата“. Речиси сите големи медиуми се под контрола на новоизбраниот претседател Александар Вучиќ и не известуваат за овие протести, па граѓаните објавуваат фотографии на социјалните мрежи и повикуваат тие да се споделуваат.

Помеѓу демонстрантите е и багеристот Џо, познат по тоа што со багер влезе во зградата на РТС во 2000 година за време на протестите против Милошевиќ.

Демонстрантите се главно студенти и млади луѓе, а се повеќе им се придружуваат и останатите граѓани. Тие сметаат дека Вучиќ ги украл изборите, а на нив гласале и починати луѓе.