Фетаи: Ќе вложиме максимални напори сите да ги вратат парите

Специјалното јавно обвинителство денеска ја презентираше новата истрага со кодно има „Трезор“. Ова е прва истрага на СЈО за економски криминал кој произлегува од прислушуваните материјали.

Обвинителката Фатиме Фетаи ја објасни досегашната истрага и на крај рече дека СЈО ќе се бори до крај секој оној кој украл народни пари, освен што ќе треба да одговара, истите и да ги врати.

-Парите, како и вистината, се како шило. Ова обвинителство ќе вложи максимални напори, секој кој злоупотребил народни пари, да седне на обвинителна клупа и да ги врати парите, го заврши своето излагање Фетаи.