Дијаспората може да добие три пратеници

Доколку гласаат сите иселеници кои до сега се пријавиле во Избирачкиот список, дијаспората може да обезбеди три пратеници во Собранието, информираат од Државната изборна комисија.

Пријавувањето на гласачи од дијаспората завршува денеска, а според последните информации од ДИК, досега се пријавени повеќе од 18.600 граѓани.

Според измените во Изборниот законик, за да биде избран пратеник од дијаспората, тој ќе треба да освои околу 6.500 гласови, а најмногу може да се добијат три пратеника од седмата изборна единица во кои влегуваат Северна и Јужна Америка, Европа и Австралија.