Деветгодишното дете по автобуската несреќа кај Велес остана без рака

Деветгодишното дете кое беше во автобусот што вечерва се преврте кај Велес остана без рака, потврди за „Фокус“ министерот за здравство Арбен Таравари.

Според нашите информации, детето е хоспитализирано на скопската Клиника за детска хирургија и е надвор од животна опасност, но поради сериозноста на повредите морала да му биде ампутирана раката. Црниот биланс од автобуската несреќа е една почината патничка, а останатите се хоспитализирани на скопските клиники и во велешката болница.

Автобус со македонски регистарски таблички попладнево излета и се преврти неколку километри по патарината кај велешкото езеро, на автопатот кон Скопје.

И.М.