Чичаковски го донираше бонусот од 260.000 денари на лица со посебни потреби

Претседателот на Државната изборна комисија, Александар Чичаковски, бонусот кој го добил како надомест по едногласно донесената одлука на членовите од ДИК, веќе го донирал на невладината организација „Полио плус“. Средствата во износ од 260.000 денари веќе легнале на сметката на здружението за лица со посебни потреби.

Како што изјави Чичаковски овие средства ќе бидат наменети за проект на невладината со кој ќе им се помогне на лицата со посебни потреби полесно да го остварат своето избирачко право.