595
Парламентарната Комисија за финансирање и буџет го одобри финансискиот план на специјалната обвинителка Катица Јанева за кој е потребно релокација на средства од централниот буџет.
Предлогот го образложи министерот за финансии, Зоран Ставрески, кој рече дека за 2016 година на Јанева ќе и бидат префрлени околу 4 милиони евра, согласно финансискиот план.
Ставрески вели дека средствата се наменети за плати и надоместоци, за трошоци за време на постапките, средства за професионална надградба на обвинителите и така натаму.
Сега, буџетот треба да се најде и на пленарна седница на Собранието неделава, на која ќе се гласа за финално одобрување.