Бидејќи судот нема камера, се одложи судењето на „Насилството во општина Центар“

Поради немање на камери денеска во Кривичниот суд се одложи судењето за случајот на СЈО, „Насилството во Центар“, во кое обвинети се екс премиерот Никола Груевски и поранешниот министер Миле Јанакиески.

Како што образложи судијката Татјана Михајлова, судот располага со две камери за снимање на рочиштата, а истите претходно биле побарани од судијата Софија Лаличиќ, која денеска во исто време му судеше на дедото на Тамара, обвинет за обид за убиство на екс министерот за здравство Никола Тодоров.

Наредното рочиште за „Насилството во општина Центар“ е закажано за 27 декември, а рочиштата да се снимаат аудио и визуелно инсистираа одбраната и обвинетите што е и нивно законско право.

В.В.