Александар Наумоски е нов директор на истражниот затвор во Шутка

Александар Наумоски е именуван за нов директор на истражниот затвор во Шутка. Тој ќе го замени на директорското столче досегашниот прв човек Александар Ѓеоргиевски, кој повеќе од три години управува со затворот Шутка.

Наумоски е правник по професија, односно магистер по уставно право – човекови права и поранешен соработник во Бирото за застапување на РМ пред Европскиот суд за човекови права во Стразбур.

Тој во 2013 година на последните локални избори беше канидат за градоначалник на општина Ѓорче Петров од редовите на СДСМ, каде во третиот изборен круг се повлече од трката за градоначалничката фотеља, обвинувајќи дека изборите се фалсификат.

И.М.