Албанските партии денес ќе расправаат за формирање на влада

Алијансата на Албанците ги повика на средба албанските партии потписнички на платформата на која ќе се разговара за формирање на нова Влада. Денеска во 13 часот во хотелот „Арка“ ќе се одржи средба на албанските партии на која лидерите ќе го отворат ова прашање.

ДУИ го потврди присуството на Али Ахмети, а движењето БЕСА не кажа дали Билал Касами ќе присуствува на средбата. Инаку, Касами претходно нагласи дека нема намера да седне на иста маса со Ахмети.

Лидерот на Движењето за реформи на ДПА, Зијадин Села изјави дека предлозите на СДСМ за употребата на албанскиот јазик се неприфатливи и дека неговата партија ќе остане на ставот албанскиот јазик да биде целосно официјализиран.