По протестниот марш на средношколците, на кој имаше над 4.ооо луѓе и по барањата кои ги доставија до министерството за образование, министерот Адеми денеска рече дека ќе ги разгледа барањата и потоа ќе организира јавна дебата за сите отворени прашања околу државната матура.
-Денес не би сакал да кажам дали одстапуваме или не. Јас велам дека е тоа добро за целиот образовен процес и е предност за сите матуранти, рече Адеми, а пренесе телевизија Телма.
Овој став, министерот ќе им го пренесе и на средношколците и ќе им укаже дека државната матура се спроведува речиси секаде во светот и дека нејзиното полагање е услов да се запишат на кој било факултет.
На сличен начин се одвиваше и ситуацијата со студентите. И покрај почетното противење на министерот Адеми за отфрлање на законот за високо образование и пишување на нов, сепак на крајот тие победија и во моментов се работи на новиот законски текст.